Садир Жапаров президент сайловларининг биринчи босқичида етакчи

Қирғизистон Республика Марказий сайлов комиссиясининг дастлабки маълумотларига кўра, Садир Жапаров бюллетенларнинг 98 фоизи санаб чиқилгач, 79 фоиз овоз билан Қирғизистондаги президент сайловларининг биринчи босқичида пешқадамлик қилмоқда.

Маълумотларга кўра маҳаллий вақт билан соат 8:00 да сайлов қутиларидаги ускуналар 2476 та сайлов участкасидан 2425 тасида овозларни санаб чиқишга муваффақ бўлди. Ушбу сайлов участкаларида 1 миллион 117 мингдан зиёд киши ёки сайловчиларнинг 79,2 фоизи овоз берди.

Сайлов участкаларининг 71 фоизидан олинган овозларни қўлда ҳисоблаш бўйича ҳам Жапаров етакчи. Қонун бўйича овоз беришнинг якуний натижаларини чиқаришда қўлда ҳисоблаш талаб қилинади.

Президент сайловлари билан бир вақтда республикада бошқарув шаклини танлаш бўйича референдум ҳам ўтказилди. Дастлабки натижаларга кўра, фуқароларнинг 80 фоиздан кўпроғи парламент бошқарувига нисбатан президент бошқарув шаклини афзал кўришди.

Янгиликлар

Admin. Жойлаштирган санаси: 12-01-2021, 09:52

Асосий сахифа » Янгиликлар » Садир Жапаров президент сайловларининг биринчи босқичида етакчи

Сайтга кириш