АСАДУЛЛО ОТАНИНГ ҚУВОНЧИ

Сув-ҳаёт манбаи

Давлатимиз раҳбари Қашқадарё вилоятига қилган сафарлари давомида одамларга қулай шарт-шароитлар яратиш, юзага келаётган муаммоларни бартараф этиш, жумладан аҳолини сифатли ичимлик суви билан таъминлаш бўйича аниқ вазифаларни белгилаб берган эдилар.

Ўзбекистон Республикаси Президентининг "Аҳолини ичимлик суви билан таъминланганлик даражасини ошириш ва унинг сифатини яхшилаш учун Ўзбекистон Республикасининг сув ресурсларини бошқаришни такомиллаштириш чора-тадбирлар тўғрисида"ги Фармон ижросини таъминлаш учун Қашқадарё вилоят "Сувтаъминоти" МЧЖ ходимлари томонидан муайян ишлар амалга ошириляпти. Фармон мазмун ва моҳиятидан келиб чиққан соҳа мутахассислари аҳолини тоза ичимлик суви билан таъминлашдаги хизматларини алоҳида эътироф этиш лозим. Бунда вилоятдаги ичимлик суви ишлаб чиқарувчи энг асосий бўғин ҳисобланган "Шаҳрисабз-Қарши" сув ишлаб чиқариш бўлими ходимларнинг самарали меҳнати натижасида воҳа аҳли табиатнинг бу бебаҳо неъматидан баҳраманд бўлиб келишяпти.

-Сув-бу бебаҳо неъмат,-дейди "Шаҳрисабз-Қарши" сув ишлаб чиқариш бўлими бошлиғи Азимжон Темиров.-Давлатимиз раҳбарининг аҳолини ичимлик суви билан таъминлаш борасидаги кўрсатаётган ғамхўрликлари натижасида кейинги йилларда нафақат вилоятда, балки республикамизнинг кўпгина ичимлик суви етиб бормаган ҳудудлар аҳолиси ҳам бу неъматдан баҳраманд бўлаяптилар. Катта меҳнат ва маблағ ҳисобига барпо этилаётган сув йиғиш ва тарқатиш иншоотлари, янги қурилган ичимлик сув тармоқларидан оқилона фойдаланиш меъёрларига халқимиз қатъий амал қилсалар ўрнатилган ускунларнинг "умри" узаяди. Жамоамиз аъзолари ичимлик суви етказиб беришда халқимизга бундан кейин ҳам беминнат хизмат қилаверадилар.
Дўнг қишлоғи Шаҳрисабз туманидаги "Боғишмол" маҳалла фуқаролар йиғинининг аҳолиси зич жойлашган ҳудудлардан ҳисобланиб, бу ерда ичимлик суви билан таъминлашда муаммолар бор эди. 2020 йилда қишлоқда амалга оширилган хайрли ишлардан бири аҳолини сифатли ичимлик суви билан таъминланиши бўлди.

"Дўнгқишлоқ" кўчаси 32-уйда истиқомат қилаётган Луқмон Пардаевнинг таъкидлашича, бир неча йилдан буён қишлоқда ичимлик сув муаммоси кузатиларди. Қишлоқда ягона бўлган ер ости сув тортиш насоси аллақачон ўз муддатини ўтаб бўлганлиги учун Қашқадарё вилоят "Халқ қабулхонаси"га қилинган мурожаат бугун ўз ечимини топди. Натижада замонавий сув йиғиш ва тарқатиш иншооти қурилиб, айни пайтда қишлоқ аҳли табиатнинг бу бебаҳо неъматидан баҳраманд бўлмоқдалар. Бу ишда фахрий ўқитувчи Асадуллохон Турсунов, қишлоқ оқсоқоли Зойир Файзиевлар ташаббускор бўлишди.

-Халқимиз сувни азалдан улуғ неъмат деб билишган,-дейди меҳнат фахрийси, нуроний отахон Асадуллохон Турсунов. -Қишлоғимиз аҳолисининг ичимлик суви билан таъминланганлиги қалбларимизни мунаввар айлади. Ўрнатилган қувурлардан сув оқизилган куни қишлоғимизга ҳақиқий байрам бўлди, десам муболаға бўлмайди. Бунинг учун Муҳтарам Президентимизга кўп сонли нуронийлар номидан рахмат айтамиз.
Дарвоқе, бугун "боғишамол"ликларнинг кўп йиллик орзулари ушалди. Қишлоқда 4 километрга яқин ичимлик сув тармоғи тортилгач, 110 хонадон ундан баҳраманд бўлди.

Яна бир ана шундай лойиҳа тумандаги "Хазара" ва "Олмазор" маҳаллалар фуқаролар йиғинида амалга оширилди. Маҳалла аҳолиси бир неча йилдан буфён "Танхоз" дарёсидаги сувдан ичимлик суви сифатида фойдаланиб келишарди. Ичимлик сув тармоқлари тортилгач, кўплар қатор "Рахмонов Бурхон Фахриддин ўғли" фермер хўжалиги иш юритувчиси, меҳнат фахрийси Бурхон Рахмоновнинг ҳам қувончи чексиз бўлди. Ушбу лойиҳаларни ООО "Пудана-Қувончбек" МЧЖ қурувчилари амалга ошириб, аҳолининг ичимлик сув таъминоти яхшиланишига ҳисса қўшдилар.

Шавкат СУЛТОНОВ,

"Нуроний" мухбири.

Қашқадарё вилояти.

Таҳлилий мақолалар

Admin. Жойлаштирган санаси: 19-12-2020, 00:40

Асосий сахифа » Таҳлилий мақолалар » АСАДУЛЛО ОТАНИНГ ҚУВОНЧИ

Сайтга кириш