"СИЗЛАР БИЗНИНГ ОЛТИН ФОНДИМИЗ!" – ёшлар эътироф этилди

Ўтаётган йилда барча қатори халқимиз ҳам кўпгина синовларга гувоҳ бўлишларига қармай, пандемия шароитида Шаҳрисабз туманида ижтимоий-иқтисодий соҳаларда ижобий ютуқларга эришилди. Кам таъминланган оилаларни ижтимоий қўллаб-қувватлаш, ёшлар бандлигини таъминлаш, аҳоли дастурхонини тўкин қилиш мақсадида қишлоқ хўжалиги маҳсулотлари етиштириш, чорвачилик, деҳқончилик соҳаларида ҳам муваффақиятларга эришилди. Саноат ишлаб чиқариш ҳажми ортди. Маданият ва маърифат, тиббиёт, халқ таълими, мактабгача таълим соҳаларидаги ислоҳотлар ўз самарасини кўрсатяпти. Иқтидорли ёшларни қўллаб-қувватлаш борасида амалга оширилаётган ишлар самара бераётганлиги қувончли ҳол.

Туман ҳокими Самад Ҳасанов маданият ва маърифат, таълим, санъат, спорт соҳаларида бир қатор муваффақиятларга эришган иқтидорли ёшлар иштирокида туман ҳокимлигида ташкил этилган тадбирда келажагимиз эгаларини эришган муваффақиятлари билан табриклаб, ёшларга қарата "Сизлар бизнинг олтин фондимиз!" дея эътироф этди. Янги йилда уларнинг ўқиш ва ишларида омад тилади. Туман ҳокими номидан ёшларга ташаккурнома билан бирга эсдалик совғалари ҳам топширилди.

Шаҳрисабз туман ҳокимлигиимлиги барча юртдошларимизни Янги йил билан табриклаб, ишларида мувафақиятлар тилайди.

Шавкат СУЛТОНОВ,
"Нуроний" мухбири.

"Фаровон юрт" газетаси

Admin. Жойлаштирган санаси: 29-12-2020, 10:07

Асосий сахифа » "Фаровон юрт" газетаси » "СИЗЛАР БИЗНИНГ ОЛТИН ФОНДИМИЗ!" – ёшлар эътироф этилди

Сайтга кириш