Қуймоқли нонушта

Саҳар уйғондингиз. Бор хаёлингиз ишга ва мактабга шошаётган болаларингизни ажойиб нонушта билан сийлаш. Хўш, режангиз қандай?

Агар ҳали ҳам бошингиз қотаётган бўлса, келинг, ажойиб нонуштани биргаликда тайёрлаймиз!

Бизга керак бўлади: 1 пачка сосиска, 10 дона тухум, 2 ошқошиқ ун, 1 чойқошиқ разрихлитель (қавартма), 2 ошқошиқ писта ёғи ва таъбга кўра туз.

Қани тайёрмисиз? Бошладик:

Тухумлар идишга чақилади ва ичига ун, разрихлитель (қавартма), ёғ ва таъбга кўра туз солинади. Бу ҳамма масса блендерда яхшилаб аралаштирилади.

Духовка листини ёғлаб, ичига аралашма солинади. Ва унинг устига паррак қилиб тўғралган сосиска керакли миқдорда солинади. Бу листни олдиндан қиздирилган духовка ичига қўйилади. Ўртача оловда 10-15 дақиқа пиширилади.

Пишган қуймоқ бўлакларга бўлинган ҳолда, хоҳишингизга қараб безатилиб, дастурхонга тортилади.

Ёқимли иштаҳа!

Феруза ДАВЛЕТОВА,

Қўшкўпир туманидаги 23-умумтаълим мактабининг

олий тоифали Технология фани ўқитувчиси

"Фаровон юрт" газетаси

Admin. Жойлаштирган санаси: 17-12-2020, 17:47

Асосий сахифа » "Фаровон юрт" газетаси » Қуймоқли нонушта

Сайтга кириш