ИСТИҚЛОЛДАН НУР ОЛГАН АВЛОД

Китоб-билим манбаи. Ёшларнинг ҳар томонлама етук мутахассис бўлиб етишишларида китобнинг ўрни беқиёс. Шу жиҳатдан ҳам бугунги кунда китоб тарғиботи билан боғлиқ ўтказилаётган маънавий-маърифий тадбирларда бу ўз исботини топмоқда. Буни биргина Нишон туманидаги 2-сонли касб-ҳунар мактаби мисолида яққол кўриш мумкин.

Туман ахборот ресурс маркази ҳамда илм маскани жамоаси билан ҳамкорликда ўтказилган тадбир "Истиқлолдан нур олган авлод" деб номланди. Тадбирни касб-ҳунар мактаби ёшлар билан ишлаш бўйича директор ўринбосари Юлдуз Халамова очиб, ўқувчиларнинг илмли бўлишларида, ҳаётда ўз ўринларини топишларида китобнинг ўрни алоҳида аҳамиятга эга эканлиги ҳақида гапирди. АРМдаги 4563 дона ўқув ва бадиий адабиётларнинг 2615 донаси умумтаълим йўналишидаги, 1502 таси умумкасбий ва махсус фан дарсликларини ташкил этади.
-Ўтказилаётган тадбирлар доирасида адиблар Ўткир Хошимов, Эркин Воҳидовларнинг 80 йиллиги, Ботир Зокировнинг 85 йиллигини нишонлаш бўйича ҳам бир қатор амалий ишлар қилинмоқда, -дейди мактаб директори Усмон Ғойипназаров. -Айни пайтда касб-ҳунар мактабида 210 нафар ўқувчи 4 йўналиш бўйича ҳунар ўрганишяпти.

Касб-ҳунар мактаби ахборот ресурс марказида ташкил этилган тадбирда "Президент асарларини ўрганамиз", "Мен севган асар", "Ёшлар-Ватан суянчи ва таянчи", "Ватан ҳимояси-Олий шараф", "Энг бахтли оила" мавзуларида ўқувчилар ўртасида савол-жавоблар ўтказилди. Ўткир Хошимов, Эркин Воҳидовларнинг асарларидан парчалар ўқилди. Ботир Зокиров ижро этган қўшиқлар матни такрорланди. Тадбирда Ёшлар ишлари агентлиги мактаб бошланғич ташкилоти етакчиси Одил Омонов, она тили ва адабиёт фани ўқитувчиси Гулнора Аманова, АРМ мудири Наргиза Эралиевалар ўқувчиларга китоб тарғиботининг аҳамияти ҳақида сўзлаб бердилар. Тасдиқланган жадвалга асосан бу каби тадбирлар касб-ҳунар мактабида мунтазам ўтказиб турилиш таъкидланди.

Шавкат СУЛТОНОВ,
Ўзбекистон Журналистлари ижодий уюшмаси аъзоси.

"Фаровон юрт" газетаси

Admin. Жойлаштирган санаси: 14-01-2021, 20:39

Асосий сахифа » "Фаровон юрт" газетаси » ИСТИҚЛОЛДАН НУР ОЛГАН АВЛОД

Сайтга кириш